कालीकोटको तिलागुफा–१ नाक्माका पहिरोपीडितलाई 'नजिकको साथी मिडिया'द्वारा राहत सामग्री वितरण
कालीकोट जिल्लाको तिलागुफा नगरपालिका वडा नं. १ नाक्मामा गएको विनाशकारी पहिरोबाट प्रभावित परिवारहरूलाई सहयोग पुर्याउने उद्देश्यले 'नजिकको साथी मिडिया'को तर्फबाट राहत सामग्री वितरण गरिएको थियो । संस्थागत सामाजिक उत्तरदायित्व अन्तर्गत पहिरो प्रभावित क्षेत्रमै पुगेर पीडित परिवारहरूलाई खाद्यान्न तथा अन्य अत्यावश्यक राहत सामग्रीहरू उपलब्ध गराइएको थियो। विपद्को त्यस कठिन घडीमा प्रभावित समुदायको पीडामा मल्हम लगाउन र राहत पुर्याउन मिडियाले यो मानवीय सहयोग हस्तान्तरण गरेको थियो ।
